-الأغاني السجنية "المزمومة"-
هذه بعض الأغاني السجنية والتي كانت تعتمد في سجن 9
افريل (سابقا) كوسيلة دفاعية للتعايش السجني، تم تدوينها اثناء دراستنا الاكاديمية
حول سوسيولوجيا الحياة السجنية
الد.سامي نصر
باحث في علم الاجتماع
"*" "حبس الكذاب"
- حبس الكذاب، تكذب يا حبس الكذاب وتكذب يا
حبس
الكذاب، يا مربوط من غير أسباب وتكذب يا
- حبس الكذاب، تكذب يا حبس الكذاب وتكذب يا
حبس الكذاب، يجيك نهار ويتحل الباب وتكذب يا
- حبس انعدّوه والشامت بالعين يروه
وكان
عشنا مانا نكافوه وكان متنا ما فمّا حساب
* *
تكذب يا حبس الكذاب وتكذب يا * *
- نهار الكونتينة إلّي عندو فلوس اتمركيلة
إلاّ
آنا ناقص فاميليا، الخبز لكحل والفاميليا وتكذب يا
- نهار الدوش لمّونا زيّ البابوش
وحتى
فرشي ما عرفتوش، والكبران يمزبل فينا وتكذب يا
- نهار جلستنا، لا وخيّا و لا امّيما جتنا
يا
وخيّاني حسبونا متنا وحفروا قبري في الجلاّز وتكذب يا...
- نهار الأحد، لا زيار تدّي وترد وآنا خوكم
ما
في بالي حد خلف أمي إلّي تغير عليا وتكذب يا
- نهار البلوار، نستنا وآنا محتار
نترقب
ما جاو الدار وفي خيالي صورة لصغار وتكذب يا...
"*" "يمّا يمّا"
- يا بابور، يا تريبور ودّيني لبلاد النور
عندي
ما نحكي، عندي ما نقول، ويمّا، ويمّا
- واش حال إلّي ادّوه وما قالوا
واش
حالك إنتي يا عزيزه، ويمّا، ويمّــــــــا
- وكيف ادّاوني للسيلــون
لا
نرقد و لا يجيني النــــــــــــــــــــــــــوم
- ونشوف اللميما وسط النجـــوم
يمّا،
ويمّا، ويمّا، ويمّــــــــــــــــــــــــــــــا
- يا وكيف ادّاوني للبلوار
وقلتلهم
توحشت الــــــــــــــــــــــــــــــدار
- ودموع أمي تسخف الأحجار
ويمّا، ويمّـــــــــــــــــــــــــــــــــــــــــــــا
- وكيف مشات التاكسي قدّام الدار
وداروا
بها خواتي الأصغـــــــــــــــــــــــــار
- وقالولها فينو خونا
يمّا،
ويمّـــــــــــــــــــــــــــــــــــــــــــــــا
- يا بابور، يا تريبور ودّيني لبلاد النور
عندي
ما نحكي، عندي ما نقول، ويمّا، ويمّا... *)1(
"*" يا نخلة روجي
- يا نخلة روجي وخلّي العراجين تهوّه -*-
عراجين تهوّه
- الفم يضحك والقلب مسوّد -*- صابرين يا
يمّا دايا
)-(
)-( )-( )-( )-( )-( )-( )-(
- ياو قولو لمّي لا تبكي و لا تسيّل كحلك
-*- لا تسيل كحلك
- يطول الزمان وبنيتك تروّحلك -*- صابرين يا
يمّا دايا
)-(
)-( )-( )-( )-( )-( )-( )-(
- ياو قولو لمّي تبعثلي صاعين بسيسة -*-
صاعين بسيسة
- وبنيتك في الحبس رخيصة -*- صابرين يا يمّا
دايا
)-(
)-( )-( )-( )-( )-( )-( )-(
- ياو قولو لباب يقفل صباته بالقفلة -*- صباته
بالقفلة
- ويطل على بنيته بالغفلة -*- صابرين يا
يمّا دايا
)-(
)-( )-( )-( )-( )-( )-( )-(
- ياو قولو لختي تبعثلي فضلت روبتها -*-
فضلت روبتها
- وكان حنت راني وخيتها -*- صابرين يا يمّا
دايا
)-(
)-( )-( )-( )-( )-( )-( )-(
- يا وقولو لمّي لا تطهر وليدي وتفرحلو -*-
وليدي وتفرحلو
- خلي امّيمتو تروّحلــــــــو آه -*-
صابرين يمّا دايا
)-(
)-( )-( )-( )-( )-( )-( )-(
- هزيت عيوني قابلني شباك حديد -*- شباك
حديد
- وبنيتك في الحبس جديــــــــــد -*-
صابرين يمّا دايا
)-(
)-( )-( )-( )-( )-( )-( )-(
- هزيت عيوني قابلني شباك اللوح -*- شباك
اللوح
- وبنيتك في الحبس تنــــــــــــوح -*-
صابرين يمّا دايا
)-(
)-( )-( )-( )-( )-( )-( )-(
- هزيت عيوني قابلني شباك التل -*- شباك
التل
- وبنيتك في الحبس اتذل -*- صابرين يا يمّا
دايا
)-(
)-( )-( )-( )-( )-( )-( )-(
- هزيت عيوني قابلني كان ربي واحد -*- كان
ربي واحد
- الفم يضحك والقلب جامـــــــــــد -*-
صابرين يمّا دايا
)-(
)-( )-( )-( )-( )-( )-( )-(
- يا الطير الطاير اعطيني ريشة من عينك -*-
ريشة من عينك
- يا حاكم آش بيني وبينك -*- صابرين يا يمّا
دايا
)-(
)-( )-( )-( )-( )-( )-( )-(
- يا الطير الطاير اعطيني ريشة من جنبك -*-
ريشة من جنبك
- يا اميمتي واش كبّر قلبك -*- صابرين يا
يمّا دايا
)-(
)-( )-( )-( )-( )-( )-( )-(
- يا صبحت مريضة لا بيّا راسي و لا كرشي -*-
راسي و لا كرشي
- ما بيّا كان فرقة عرشــــــــــــــــــــــــي
-*- صابرين يا يمّا دايا
)-(
)-( )-( )-( )-( )-( )-( )-(
- يا صبحت مريضة لا بيّا راسي و لا زندي -*-
راسي و لا زندي
- ما بيّا كان فرقة
ولــــــــــــــــــــــــدي -*- صابرين يا يمّا دايا
)-(
)-( )-( )-( )-( )-( )-( )-(
- يا الكار الصفراء عبي ركّابك عبيها -*-
ركّابك عبيها
- وبقعه لابنيتك
خلّيـــــــــــهـــــــــا-*- صابرين يا يمّا دايا(1)*...
"*" نيراني جاشي شاعلة ميقودة
نيراني جاشي شاعلة ميقـــودة
فارقدت
جدي غزال عيونه ســـودة
ناري تشعل حيرت دليلـــــــــي
ما
قدرتش نصبـــــــــــــــــــــــــــر
فارقتها يا ناس قد الســـــرول
و
خليت كبدي على الجمر مصهودة
==================================================================================
من فراقها دقت المـــــــــــرار
و
من الوحش يا ناس دونــــــــــي...
نيراني جاشي شاعلة ميقـــودة
فارقدت
جدي غزال عيونه ســـودة
بعد اللي هوى نجمنا و غـــاب
الأيام
دال بدالـــــــــــــــــــــــــة
السجن و فراق الأحبـــــــاب
و
الصبر لله تعالــــــــــــــــــــى
والله نصبر، واش ينفع التخمام في اللي مقدر
مكتوب
ربي على الجبين مسطـر
و أيام الحبس مسطر و
معــــــــــــــــــــدودة
و
نيراني جاشي شاعلة ميقـودة
و في التحقيق هزيت راسي للسماء و بكــيت
و
قلت يا إمسي راني تباصيـت
و أيام الحبس مضلمة و مسكونــــــــــــــة
و
نيراني جاشي شاعلة ميقـودة
... الدهر فرقنا، و من العكس يا ناس دونـي
سبب
ربطيتي جات من الغير في السابقة يكرهوني
اتقاروا عليا معاريف وفي الكونفة خرجوني
خرجت
قبالة، من حبس الجديد كونفة للزنزانة
شوفوا المربوط يا ناس واش اجرالي
واللي
عمل سوابقة مجبودة
و نيراني جاشي شاعلة ميقودة
فارقدت جدي غزال عيونه سودة...
"*" يا المنفى
وقولوا لأمي ما تبكيش يــا المنفى
ولدك
ربي ما يخليش يا المنفى
وكيف داخل في وسط بيبان يا المنفى
و
السبعة(1)*
فيها القدعان يا المنفى
و قالولي كانشي دخان دخان يا المنفى
و
آنا في وسطهم دهشان يا المنفى
وقولوا لأمي ما تبكيش يــا المنفى
ولدك
ربي ما يخليش يا المنفى
و كيف اداوني للتريبونال يا المنفى
الشاطر
فيها كبار و صغار يا المنفى...
وعلى الدخلة حطولي الراس يا المنفى
و
عطاوني صاورة وبياص(2)* يا المنفى
و قرفوا علينا عساس يا المنفى
على
الثمانية تسمع سنيال يا المنفى
وقولوا لأمي ما تبكيش يــا المنفى
ولدك
ربي ما يخليش يا المنفى
و يا قلبي ولدك ضعيف يا المنفى
و
الصبة ديما كيف كيف يا المنفى
القاملة غامرت بالماء يا المنفى يا المنفى
و
القرلو عايم فيها يا المنفى...
Aucun commentaire:
Enregistrer un commentaire